Незабыўнае ўражанне ва ўсіх прысутных выклікала  свята Масленіцы, падрыхтаванае сумесна работнікамі Каткаўскага цэнтра культуры і бібліятэкі. Са слоў гледачоў, яно  атрымалася вельмі цікавым, вясёлым, захапляльным, пазнавальным. Тут воля дадзена была ўсяму: і песням, асабліва хораша прагучала песня “Хутка свята распачнецца” ў выкананні Дзіяны Алейнік, і вершам, і загадкам, і пагаворкам, і веданню беларускіх гульняў і традыцый.   Нікога  не пакінулі раўнадушнымі беларускія народныя танцы і карагоды ў выкананні нашых гурткоўцаў. Завяршылася  свята спальваннем чучала лялькі-Зімы і частаваннем смачнымі блінамі.

Т. ПІНЧУК