На мінулым тыдні пачаўся традыцыйны турнір па міні-футболе і футболе сярод дзяцей і падлеткаў па месцы жыхарства на прызы раённага выканаўчага камітэта. Падчас цырымоніі адкрыцця  спаборніцтваў юных футбалістаў прывітаў начальнік аддзела адукацыі, спорту і турызму Аляксандр Бельскі, капітаны чатырох каманд-удзельніц узнялі флаг — і гульням быў дадзены старт, праходзяць яны па кругавой сістэме. У першы ж дзень спаборніцтваў адбылася сустрэча паміж камандамі школы № 1 і гімназіі. Нічыйны вынік (2:2), з якім яна завяршылася, паказаў, што саступаць ніхто не мае намеру, а значыць, увесь турнір абяцае быць цікавым. Ён прадоўжыцца да 21 жніўня, гульні па міні-футболе пачынаюцца ў 17 гадзін, па футболе — у 18:00. Аддзел адукацыі, спорту і турызму запрашае глушчан прыходзіць на стадыён і падтрымаць юных футбалістаў.