У Дзень Незалежнасці, 3 ліпеня, глушчан чакаюць святочныя мерапрыемствы.

10:00, Алея Славы — урачысты мітынг і ўскладанне кветак.

10:30, перад раённым Домам рамёстваў — святочны канцэрт “Квітней пад небам сінім, Беларусь!”.

11:00, Свята-Богаяўленская царква, царква Раства Хрыстова — малебен Усім Беларускім Святым аб Айчыне і беларускім народзе.

20:00, цэнтральны стадыён — канцэрт “Квітней, родная Беларусь!”.

22:50, цэнтральны стадыён — рэспубліканская акцыя “Спяём гімн разам”.

23:00, цэнтр горада — святочны салют. 

На бульвары Грахоўскага з 9:30 пачнуць работу кірмаш “Горад майстроў”, выстава рэтрафатаграфій “Мястэчка Глуск”, сувенірная лаўка і фотазона раённага гісторыка-краязнаўчага музея, майстар-класы ад рамеснікаў, пленэр, пляцоўка, дзе можна будзе зрабіць аквагрым, пляцоўка Глускага раённага аддзела па надзвычайных сітуацыях, павільёны з прадукцыяй Глускага лясгаса і “Глускіх Бытпаслуг”. Побач, на вуліцы Жыжкевіча і каля цэнтральнага стадыёна, свае тавары будуць прапаноўваць Глускае райпо і запрошаныя гандляры-вытворцы.

Аматараў спорту запрашаюць на цэнтральны стадыён і тэрыторыю побач з ім. Пачнецца спартыўная праграма паказальнымі выступленнямі па таэквандо (10:30, хакейная пляцоўка). Там жа, на хакейнай пляцоўцы, з 11:00 — спартландыя “Тата, мама, я — спартыўная сям’я”. Усе жадаючыя змогуць згуляць у шашкі і шахматы (каля стадыёна, з 11:00). У 12:00 на пляцоўцы для міні-футболу пачнецца гандбол, у 12:30 на валейбольнай пляцоўцы — турнір па валейболе. Вялікі футбол чакае балельшчыкаў у 15:00, у таварыскім матчы сустрэнуцца зборныя Глуска і Бабруйска.

Для дзяцей і падлеткаў таксама запланавана адмысловая праграма. У цэнтральным парку з 10:30 будуць працаваць дзіцячыя атракцыёны. У 11:00 каля фантана пачнецца дзіцячая забаўляльная праграма, пройдзе конкурс малюнка на асфальце. На пляцоўцы перад раённым Домам рамёстваў з 12:30 — фестываль фарбаў “HOLI”.