Рыхтуемся да Новага года
Хоць да святкавання Новага года падрыхтоўка пачынаецца з самых першых дзён снежня, калі не раней, аднак усе найбольш важныя пакупкі да стала робяцца непасрэдна перад святам. З улікам такіх нашых нацыянальных навагодніх асаблівасцяў наладжваюць сваю работу і мясцовыя кааператары. Так, 25 снежня на рынку «Цэнтральным» Глуска будзе арганізаваны вялікі гандлёвы кірмаш. 29, 30 і 31 снежня ва ўсіх магазінах раёна пройдуць выстаўкі-продажы тортаў, іншых кандытарскіх і кулінарных вырабаў. У магазіне “Універмаг” імяніннікі снежня непасрэдна ў дзень свайго нараджэння могуць набываць тавары са спецыяльнай, зробленай толькі для іх, скідкай 7 працэнтаў. Як і заўсёды, у прадуктовых магазінах прымаюцца заяўкі на камплектаванне падарункаў, папоўнены асартымент цукерак і іншых ласункаў ад айчынных вытворцаў і не толькі, з улікам таго, што напярэдадні Новага года значна ўзрастае продаж шампанскага, зроблены яго запасы і на складах магазінаў, і на гандлёвай базе райпо. Словам, мясцовыя кааператары да святаў гатовы. А вы?
