Адзін з трыццаці шасці
6 февраля 2015 13:00
Трыццаць шэсць жыхароў Магілёўскай вобласці дазваніліся на прамую лінію, якую ў мінулую суботу праводзіў намеснік старшыні аблвыканкама Валерый Малашка. Сярод тых, хто звярнуўся да намесніка губернатара па дапамогу ў вырашэнні сваіх жыццёвых праблем, чытаем мы ў “СБ. Беларусь сегодня” за 3 лютага, была і жыхарка Глуска. Яе праблема ў тым, што былы муж не плаціць аліментаў, не хоча працаваць, у выніку ў неплацельшчыка склалася запазычанасць больш за 30 мільёнаў рублёў. Разабрацца ў сітуацыі, знайсці рычагі ўздзеяння на аліментшчыка і падказаць жанчыне, як ёй граматна дзейнічаць далей, Валерый Малашка даручыў начальніку галоўнага ўпраўлення юстыцыі вобласці Аляксандру Маймусаву.
Таццяна ЛУКАШЭВІЧ
