Кожная пятніца — роднае, сваё. Сёння згадаем, можа, не зусім звычайны для нашага праекта беларускі брэнд — цацкі “Палессе”
Сёння згадаем, можа, не зусім звычайны для нашага праекта беларускі брэнд — цацкі “Палессе”.
Прадукцыя цацачнай фабрыкі з беларускага Кобрына вядомая не менш, чым айчынная трактары і цяжкавозы. Цацкі “Палессе” выбіраюць дзеці і іх бацькі больш чым у паўсотні краінах свету.
Гісторыя фабрыкі між тым пачалася не так даўно. У 1998 годзе калектыў з 18 чалавек на адзіным ручным станку пачаў выпускаць першую прадукцыю — каляровыя пластмасавыя пірамідкі.
А сёння гэта найбуйнейшы брэнд пластмасавых цацак у краіне: самае сучаснае абсталяванне, высакаякасныя сыравіна і фарбавальнікі, прыдатныя да кантакту з харчовымі прадуктамі, больш за 2000 супрацоўнікаў, звыш 4000 найменняў прадукцыі.
Прадпрыемства выпускае асартымент пад маркамі “Палессе”, Wader Quality Toys, Molto, Palau, Coloma Y Pastor.
Апрача цацак, СТАА “ПП Палессе” выпускае тавары гаспадарча-бытавога прызначэння, тэхнічныя вырабы для аўтамабільнай і сельска-гаспадарчай тэхнікі, бытавыя прыборы, упакоўку.
А. ВАЛОШКА
