Дзень святочны, выхадны
Падрыхтоўка да святкавання чарговай гадавіны Кастрычніцкай рэвалюцыі пачалася загадзя, а самі святочныя мерапрыемствы, звязаныя з гэтай падзеяй, запланаваны непасрэдна на дзень 7 лістапада. Пачнуцца яны ў гарадскім пасёлку ў 10 раніцы ўскладаннем вянкоў і кветак на Алеі Славы. Такія ж ускладанні з ушанаваннем памяці герояў пройдуць ва ўсіх сельсаветах. У 12 гадзін усе жадаючыя запрашаюцца на канцэрт мастацкай самадзейнасці ў раённы Дом культуры, праграма называецца “Эпоха і песня”. На бульвары Грахоўскага будзе працаваць гандлёвая ярмарка. На гэты выхадны святочны дзень запланаваны таксама і спартыўныя спаборніцтвы — першынство раёна па шашках сярод каманд фізічнай культуры прадпрыемстваў і ўстаноў Глуска, яно адбудзецца на базе фізкультурна-спартыўнага клуба, пачатак у 10 гадзін, а ў суботу, 9 лістапада, таксама ў 10:00 тут пройдзе першынство раёна па шашках і настольным тэнісе сярод сельскагаспадарчых прадпрыемстваў. Але, адзначаючы свята, не выкладвайцеся па поўнай — заўтра ж рабочы дзень.
