Закуп у насельніцтва чарніц нарыхтоўшчыкі Глускага райпо пачалі з 20 чэрвеня. З таго часу і па стану на 12 ліпеня чорнай лясной ягады нарыхтавана 32 тоны, уся яна прайшла праз цэх замарозкі і падрыхтавана да продажу. Сыравіна, што паступае на цэх замарозкі, пад строгім дазіметрычным кантролем, яго праводзіць інжынер-радыёлаг Наталля Гізун. Ягаду правяраюць на цэзій-137, максімальна дапушчальная норма — 185 Бекерэляў на кілаграм. На перапрацоўку прымаецца і дапускаецца толькі чыстая ягада. Далей на канвееры яе ачышчаюць ад лісцяў і іншых прымесяў, а пасля шокавай замарозкі пры мінус 40 фасуюць у мяхі па 20 кілаграмаў. І вось ягада ад “Глускага лукошка” гатова да рэалізацыі.
Т. ЛУГАВАЯ
Фота С. РУДЗІНСКАГА