Кіпела праца ў суботу…

Прыкметна пахарашэў Глуск і раён пасля суботніка, у якім прынялі ўдзел амаль 5 тысяч глушчан. Дружна выйшлі на работу працаўнікі прадпрыемстваў, арганізацый і ўстаноў раёна, а таксама ветэраны і школьнікі. Адначасова прыбіралі леташняе смецце, абразалі дрэвы і высякалі кустоўе, працавалі ў гаспадарках раёна на рэканструкцыі фермаў і выгульных пляцовак летніх пашаў… І ўсюды адчуваўся дух калектывізму, жаданне бачыць свой родны край яшчэ больш утульным і прыгожым. Сродкі, заробленыя падчас суботніка, а гэта больш за 50 мільёнаў рублёў, будуць пералічаны на будаўніцтва музея Вялікай Айчыннай вайны і на падрыхтоўку аздараўленчых лагераў да летняга сезону.

Тэкст і фота Вольгі ЧУЧВАЛ