Прайшліся з зоркаю па школе
Думаю, у многіх школах раёна існуе традыцыя 14 студзеня ладзіць Калядкі. Вось і ў першай школе гарпасёлка трэцякласнікі падрыхтавалі невялічкае прадстаўленне і пайшлі з ім па класах, паведаміла нам педагог-арганізатар Аляксандра Дземідзенка. Зарканоша, Шчодра, Механоша, Цыган з Канём і Дзед Каляднік — вось тыя фальклорныя персанажы, у якіх пераўвасобіліся дзеці. Калі ў першым кабінеце, куды завіталі, маленькія артысты адчувалі сябе трохі ніякавата, то далей асмялелі і наведалі ўсіх без выключэння — ад першакласнікаў да адзінаццацікласнікаў. Не прамінулі калядоўшчыкі і настаўніцкай, дарэчы, тут ім пашанцавала: якраз была агульная нарада і сабраліся ўсе педагогі. Завіталі калядоўшчыкі і ў школьны буфет. Паўсюль, як і павінна гэта быць у Каляды, іх частавалі цукеркамі, фруктамі, рознымі прысмакамі і ўзнагароджвалі апладысментамі.
А. ВАЛОШКА
Фота прадастаўлена СШ № 1
