Школьнікі паказалі клас!
На вясновых канікулах прайшлі раённыя алімпіяды для вучняў пачатковых і сярэдніх класаў. З 244 навучэнцаў дыпломамі адзначаны 135, яшчэ 12 вучняў атрымалі пахвальныя водгукі.
Лепшыя вынікі сярод гарадскіх школ традыцыйна паказалі вучні гімназіі, у іх 56 прызавых месцаў, што датычыцца сельскіх устаноў адукацыі, найбольшая колькасць дыпломаў у Заеліцкага ВПК — 18. Цікава, што сярод вучняў раёна не знайшлося жадаючых паспрабаваць сябе ў алімпіядах па астраноміі і інфарматыцы, затое да алімпіяды па грамадазнаўстве ўсе ўдзельнікі падрыхтаваліся як мага лепш, і ў выніку ўсе занялі прызавыя месцы.
Асобныя вучні вырашылі праверыць свае веды адразу па некалькіх прадметах, і прыемна заўважыць, што многія з іх свае надзеі (і надзеі настаўнікаў) апраўдалі. Па два дыпломы розных ступеняў заваявалі Максім Гаравікоў, Валерыя Пархамовіч, Маргарыта Шычко, Насця Любанец, Ніка Будаева з Заеліцкай школы, Насця Арцёмчык, Арсеній Ясючэня, Дзіяна Корабава, Алена Толсцік, Аляксей Варабей з сярэдняй школы № 1, Ніка Медзвядок, Таццяна Яленская, Данііл Каламіец з другой школы, Ангеліна Долбік, Валерыя Бізункова, Яўгенія Нікіціна, Ксенія Івашкова, Уладзіслаў Ціцішын, Насця Лабейка, Іван Буеўскі з гімназіі. Уладальнікамі трох дыпломаў рознай ступені сталі Аня Долбік з Каткаўскай школы, Аня Голуб з СШ № 1, Павел Марціновіч з СШ № 2, Арсенія Царык, Дар’я Камінская і Паліна Алейнікава з гімназіі.
Аксана ВАСІЛЕЎСКАЯ
