Нягледзячы на пахмурнае і дажджлівае надвор’е ў суботу 15 верасня, глушчанам, завітаўшым зранку ў цэнтр горада, не прыйшлося сумаваць. Спачатку на бульвары Грахоўскага з усёй асенняй шчодрасцю разгарнуўся традыцыйны сельскагаспадарчы кірмаш. Шумныя чэргі сабраліся каля гандлёвай кропкі райспажыўтаварыства са свежамарожанай рыбай, печывам, агароднінай і садавіной.

Актыўна куплялі мясную прадукцыю, якую прапаноўваў Бабруйскі мясакамбінат, свежую рыбу рыбгаса “Свіслач”, сланечнікавы і іншыя віды алею Бабруйскага завода раслінных алеяў. Не было недахопу ў пакупніках і каля машын мясцовых сельгаспрадпрыемстваў (“Турыно-агра”, райаграпрамтэхзабеспячэнне, аграфірма “Слаўгарадскі” і эксбаза “Глуск”), Веснаўскага дома-інтэрната, сялянска-фермерскай гаспадаркі “Ермак Трейд”, індывідуальных прадпрымальнікаў. Дарэчы, Глускі райвыканкам плануе арганізоўваць сельскагаспадарчыя кірмашы кожную суботу ажно да канца кастрычніка, таму ў тых, хто яшчэ не паспеў папоўніць свае запасы неабходнай прадукцыяй, яшчэ ёсць час гэта зрабіць.

Працяг матэрыяла ў газеце № 70 ад 18 верасня 2018 года.