Па стану на 30 кастрычніка гэтага года жыхары Магілёўскай вобласці заплацілі ў бюджэт 20,3 млрд рублёў маёмасных плацяжоў — зямельнага падатку і падатку на нерухомасць. Усяго грамадзянам прад’яўлена да ўплаты 24 млрд рублёў названых падаткаў, паведамілі ў прэс-цэнтры інспекцыі МПЗ па Магілёўскай вобласці і праінфармавалі, што ў рэгіёне ў якасці плацельшчыкаў за нерухомасць стаіць 296 099 чалавек, у якасці плацельшчыкаў за зямлю — 282 272 чалавекі.

У Глускім раёне, па інфармацыі мясцовай інспекцыі Міністэрства па падатках і зборах, у спісе плацельшчыкаў падаткаў на нерухомасць 6 885 чалавек і 7 489 плацельшчыкаў зямельнага падатку. Усяго жыхарам раёна прад’яўлена да ўплаты 413 мільёнаў 279 тысяч рублёў названых падаткаў. Тэрмін іх уплаты заканчваецца 17 лістапада.

Т. ЛУГАВАЯ