У снежні раённая газета расказвала, як у вёсцы Балашэвічы творчая група тэлепраекта “Наперад у мінулае” здымала аўтэнтычны абрад калядавання. Мясцовыя жыхары па сённяшні дзень захавалі традыцыі і кожны год выпраўляюцца калядаваць так, як колісь гэта рабілі іх бацькі і дзяды. Выпуску ўжо гатовай тэлеперадачы з нецярпеннем чакаюць самі калядоўшчыкі, іх родныя, знаёмыя, упэўнена, цікава будзе паглядзець на сваіх землякоў і ўсім глушчанам. Пабачыць, што атрымалася, можна ўжо ў бліжэйшую нядзелю, 14 студзеня: на тэлеканале “Беларусь3”раніцай, у 10:20, выйдзе перадача “Наперад у мінулае” пра балашэвіцкія Шчодрыкі. Абавязкова ўключыце свае тэлевізары, не пашкадуеце. Паўтор перадачы адбудзецца ў панядзелак, 15 студзеня, у 9:25.