Глускі раённы выканаўчы камітэт прыняў рашэнне аб вызначэнні месцаў, якія забаронены для правядзення пікетавання з мэтаю збору подпісаў выбаршчыкаў па вылучэнні кандыдатаў у дэпутаты мясцовых Саветаў дэпутатаў 27 склікання. Такое рашэнне прынята на падставе часткі 11 артыкула 61 і часткі 9 артыкула 65 Выбарчага кодэкса Рэспублікі Беларусь.
Такім чынам, нельга праводзіць пікетаванне для збору подпісаў выбаршчыкаў на адлегласці меней за 50 метраў ад будынкаў Глускага раённага выканаўчага камітэта, сельскіх выканаўчых камітэтаў раёна, суда і пракуратуры Глускага раёна, раённага аддзела ўнутраных спраў, раённага аддзела Дэпартамента аховы МУС; на адлегласці меншай за 50 метраў ад тэрыторый дзіцячых дашкольных і агульнаадукацыйных устаноў і ўстаноў аховы здароўя раёна, а таксама ад прахадных прадпрыемстваў і арганізацый раёна, на прыпынках грамадскага транспарту, перакрыжаваннях і пешаходных пераходах.
Згодна з прынятым рашэннем раённы аддзел унутраных спраў павінен прыняць меры па недапушчэнні збору подпісаў у забароненых для гэтага месцах і забяспечыць ахову грамадскага парадку ў месцах, дзе будзе праводзіцца збор подпісаў выбаршчыкаў па вылучэнні кандыдатаў у дэпутаты мясцовых Саветаў 27 склікання.