Сіманавічы. Вёска ў Завалочыцкім сельсавеце. Вядома з XVI стагоддзя; у 1560 годзе — сяло ў Глускай воласці, шляхецкая ўласнасць. 1571 год — 7 дымоў (гаспадарак — аўт.). У XVIII стагоддзі — у складзе маёнтка Завалочыцы, уласнасць Быкоўскіх. 1844 год — 42 двары, 302 жыхары. 1886 год — сяло, 45 двароў, 374 жыхары, меліся царква і паштовая станцыя. 1897 год — 98 двароў, 634 жыхары, меўся хлебазапасны магазін. Побач былі аднайменны пасёлак (3 двары, 17 жыхароў), вадзяны млын, шашэйная старожка (1 двор, 12 жыхароў), паштовая станцыя (2 двары, 23 жыхары). 1917 г. — 186 двароў, 948 жыхароў, на паштовай станцыі 7 двароў, 33 жыхары, на шашэйнай старожцы 2 двары, 4 жыхары. 1931 год — адкрыта пачатковая школа, арганізаваны калгас (аб’ядноўваў 64 гаспадаркі, у 1938 годзе — 203 гаспадаркі). 1996 год — 191 двор, 290 жыхароў, у складзе саўгаса “Завалочыцы”.

Зараз у Сіманавічах 80 двароў, у асноўным гэта лецішчы, афіцыйна зарэгістраваны тут 21 чалавек, а пастаянных жыхароў і таго менш. У вёсцы працуе магазін, на яе тэрыторыі размяшчаецца будынак Завалочыцкага лясніцтва.