Кубкі — за спартыўныя перамогі
Падведзены вынікі штогадовай раённай спартакіяды сярод калектываў фізічнай культуры прадпрыемстваў, устаноў і арганізацый Глуска, а таксама сельскагаспадарчых вытворчых кааператываў. Усяго ў спаборніцтвах у рамках спартакіяды ўзялі ўдзел 18 каманд, аднак не ўсе былі аднолькава актыўнымі і паспяховымі ўдзельнікамі. Найбольшую колькасць балаў на свой рахунак у 2014 годзе запісалі спартсмены УКП “Жылкамгас” і занялі першае месца. З другім вынікам завяршылі спартакіяду спартсмены ДЛГУ “Глускі лясгас”, на трэцім месцы — аб’яднаная каманда раённага аддзела па надзвычайных сітуацыях і ААТ “Глускія Бытпаслугі”.
Сярод сельскагаспадарчых вытворчых кааператываў раёна першае месца за СВК “Калгас “Слаўгарадскі”, на другім — каманда СВК “Калгас “Зара”, на трэцім — СВК “Дружба”. Усяго ў спаборніцтвах спартакіяды ўзялі ўдзел шэсць каманд мясцовых сельгаспрадпрыемстваў. Што да каманд фізічнай культуры глускіх устаноў і арганізацый, то арганізатары спартакіяды адзначаюць найбольш актыўны ўдзел (акрамя прызёраў) яшчэ некалькіх каманд — раённага спажывецкага таварыства, раёна газазабеспячэння, аддзела ўнутраных спраў, астатнія КФК паўдзельнічалі толькі ў некалькіх спаборніцтвах, таму і не маглі прэтэндаваць на значны спартыўны поспех. Кіраўнікоў тых прадпрыемстваў, чые каманды сталі пераможцамі раённай спартакіяды, падчас рабочай нарады павіншаваў старшыня райвыканкама Юрый Дымша, уручыў ім кубкі і дыпломы адпаведных ступеняў і пажадаў новых спартыўных перамог і яшчэ больш актыўных удзельнікаў.
Т. ЛУГАВАЯ
Фота І. Грамыка
На здымку: старшыня райвыканкама Юрый Дымша ўручае кубак старшыні СВК «Дружба» Аляксандру Кузьмічу