Па ініцыятыве Міністэрства лясной гаспадаркі Рэспублікі Беларусь з 16 сакавіка па 18 красавіка пройдзе республіканская добраахвотная акцыя «Лес! Дабро! Парадак!».
Як расказала рэдакцыі намеснік дырэктара па ідэалагічнай рабоце Глускага лясгаса Ганна Русу, грамадская акцыя накіравана на добраўпарадкаванне і аднаўленне беларускіх лясоў і прымеркавана да пяцігодкі якасці.
Далучыцца да талакі па навядзенні парадку і аднаўленні лясоў запрашаюцца ўсе жадаючыя. Для гэтага трэба звярнуцца ў лясгас па тэлефонах 78-0-44, 8029 374-91-62 або ў бліжэйшае лясніцтва.