Згодна з Законам Рэспублікі Беларусь “Аб унясенні змяненняў і дапаўненняў у Падатковы кодэкс Рэспублікі Беларусь” з 1 студзеня гэтага года мясцовым Саветам дэпутатаў дадзена права павялічваць або памяншаць стаўкі падатку на нерухомасць і зямельнага падатку асобным катэгорыям плацельшчыкаў. Прычым змяненне падатку прадугледжана не больш як у два з паловай разы. Прапанова аб павелічэнні падатку на нерухомасць і зямельнага падатку і была вынесена на разгляд дэпутатаў. Пры гэтым, як патлумачыла начальнік фінансавага аддзела райвыканкама Іна Глаз, пры павелічэнні ставак названых падаткаў у два з паловай разы дадатковыя паступленні ў бюджэт раёна складуць больш за 650 мільёнаў рублёў. Заслухаўшы інфармацыю, падрыхтаваную фінансавым аддзелам, і тлумачэнні старшыні раённага Савета дэпутатаў Андрэя Баброўніка, дэпутаты прагаласавалі за павелічэнне падаткаў у два з паловай разы.

Таццяна ЛУКАШЭВІЧ