На палях Глускага раёна
Касьба траў другім укосам у раёне практычна завершана, пачалася ўборка кукурузы на сілас: пры планавай плошчы ў 4 тысячы гектараў скошана 290, што складае 7 працэнтаў да патрэбнага. Зялёнай масы сабрана 8860 тон пры сярэдняй ураджайнасці 307 цэнтнераў з гектара, самая высокая ўраджайнасць на пачатку ўборкі склалася ў аграфірме “Слаўгарадскі”, тут выходзіць 400 цэнтнераў зялёнай масы на круг. Разам з гэтым у гаспадарках прыступілі да нарыхтоўкі сіласу. Усяго гэтага сакавітага корму для грамадскага статка патрэбна назапасіць 82 тысячы тон, нарыхтавана 7700 (9 %). Кармоў на ўмоўную галаву нарыхтавана 14,6 цэнтнера кармавых адзінак (46,8 %), апераджае сярэднераённыя тэмпы корманарыхтоўкі РАПТЗ з паказчыкамі 23,1 ц к. адз., або 73,9 % да задання.
Між тым на палях не спыняюцца падрыхтоўчыя работы пад азімую сяўбу: заарана 2357 гектараў пад азімыя культуры на зерне і зялёны корм, падрыхтавана амаль паўтары тысячы гектараў глебы, уносяцца мінеральныя ўдабрэнні. Азімыя на зялёны корм ужо пасеяны: 900 гектараў жыта і свірэпіцы, гэта кулісныя, або ахоўныя, пасевы. Таксама пасеялі ўжо і азімы рапс на зерне — 400 гектараў, цяпер гэтыя пасевы апрацоўваюць хімікатамі ад пустазелля (апрацавана 175 гектараў).
Гаспадаркі прыступілі да сяўбы на зерне азімых збожжавых культур. Запланавана пасеяць 2500 гектараў ячменю, 2690 гектараў жыта і 1410 гектараў трыцікале — усяго азімы клін на зерне складзе 6600 гектараў, пасеяна 75 га.
Інфармацыя падрыхтавана па даных упраўлення па сельскай гаспадарцы і харчаванні на 5 верасня
