Цёплы тыдзень. Прагноз надвор’я 10—14 красавіка
Сёння і заўтра — самыя цёплыя дні (і ночы) гэтага тыдня, так вынікае з прагнозу надвор’я па Магілёўскай вобласці ад метэаралагічнай станцыі Бабруйска.
У сераду, 10 красавіка, ноччу тэмпература паветра будзе вагацца ад 7 да 12 0С, а ўдзень — ад 22 да 27 з плюсам (сапраўднае лета ў першай палове красавіка!). У астатнія дні, аж да нядзелі, сіноптыкі абяцаюць устойлівы тэмпературны фон: +12 +17 градусаў. Ночы будуць больш прахалодныя, але замаразкаў не прадбачыцца: самая халодная ноч чакаецца ў суботу, 13 красавіка, ад 3 да 8 з плюсам, у пятніцу, 12 красавіка, будзе ад 4 да 9 цяпла, у астатнія ночы — +6 +11 0С. У сераду, чацвер і суботу ападкаў не прагназуецца, а ў пятніцу месцамі па вобласці магчымы невялікія кароткачасовыя дажджы, у нядзелю яны чакаюцца на большай частцы тэрыторыі, у асобных раёнах прагрымяць навальніцы.
