Глушчане ў Александрыі
Сярод удзельнікаў рэспубліканскага свята ў Александрыі былі работнікі культуры Глускага раёна, у іх ліку — майстры раённага Дома рамёстваў, народны вакальны ансамбль “Крынічанька” і іншыя таленавітыя нашы землякі, агульным лікам 18 чалавек.
Да фестывалю рыхтаваліся далёка загадзя, каб ні адзін з завітаўшых на “Глускі падворак” гасцей не застаўся абыякавым. Асобна вылучалася на гэты раз выстава, прымеркаваная да Года беларускай жанчыны. Былі глушчане таксама ўдзельнікамі ўрачыстага адкрыцця фестывалю (на здымку), пранеслі разам з дзяржаўным флагам флаг Глускага раёна, атрыбуты свята. Яскравай падзеяй стаў рэгіянальны конкурс “Купальская Берагiня” — выхад мадэлей у этна-касцюмах. Глушчане на конкурс прадставілі льняную сукенку, аздобленую самабытнай вышыўкай, дапоўнілі вобраз нашай Берагіні вянком з палявых кветак і калосся. Вынікі конкурсу будуць падведзены пазней.
