Як толькі прыціснулі добрыя маразы, у Глускім раёне пачалі заліваць каткі на хакейных каробках у школах, расчысцілі і падрыхтавалі пляцоўку для катка і ў цэнтры Глуска. Да сярэдзіны гэтага тыдня ўсё было гатова, і школьнікі, а за імі і старэйшыя аматары канькоў ужо праверылі лёд на трываласць і гладкасць. З аўторка фізкультурна-спартыўны клуб пачаў пракат канькоў, часовы пункт размешчаны ў фае кінатэатра “Арыён”, узяць спартыўны інвентар можна з 15:30 да 20:30 па будніх днях і з 12:30 да 20:30 па суботах і нядзелях. Работнікі культуры наладзяць музычнае суправаджэнне.

Па словах старшыні спартклуба Віктара Вежнаўца, канькоў павінна хапіць на ўсіх жадаючых пакатацца, ды і памеры розныя — ад 38-га па 42-гі, не надта кусаюцца і пракатныя цэны: 10 тысяч за гадзіну і 30 тысяч, калі бярэш на суткі. Галоўнае тут, зазначае Віктар Іванавіч, не матэрыяльны прыбытак для клуба, а даступнасць і зручнасць для лю-дзей — няхай ідуць катаюцца, хай з карысцю для здароўя праводзяць зімовыя вечары.

Т. ЛУКАШЭВІЧ