Вераснёўскія клопаты дома-інтэрната
У верасні пачынаюцца заняткі не толькі ў агульнаадукацыйных школах, але і ў спецыялізаванай установе — Веснаўскім доме-інтэрнаце для дзяцей-інвалідаў з асаблівасцямі псіхафізічнага развіцця. 105 хлопчыкаў і дзяўчынак з ліку яго выхаванцаў будуць праходзіць навучанне розным вучэбным дысцыплінам па праграме 2-га аддзялення дапаможнай школы з 1 па 9 класы. Займацца з імі будуць педагогі Цэнтра карэкцыйна-развіваючага навучання і рэабілітацыі. Як зазначыў дырэктар інтэрната Вячаслаў Клімовіч, усе 9 кабінетаў, у якіх будуць праходзіць урокі, да заняткаў ужо падрыхтаваны.
Асобнымі клопатамі зараз жывуць лепшыя спартсмены інтэрната: гэтымі днямі ідуць апошнія трэні-роўкі перад спецыяльнай алімпіядай Расіі па лёгкай атлетыцы. Гэтыя міжнародныя спаборніцтвы будуць праходзіць з 10 па 15 верасня ў Іашкар-Але рэспублікі Мары Эл. Туды неўзабаве і накіруецца невялікая каманда з 5 юных спартсменаў, трэнера і дзвюх асоб суправаджэння Веснаўскага дома-інтэрната.
Т.ЛУГАВАЯ
