Медалі ветэранам
Першыя пяць юбілейных медалёў да 70-годдзя Вялікай Перамогі ўручыў ветэранам Вялікай Айчыннай вайны старшыня Глускага райвыканкама Юрый Дымша.
Пяці ветэранам Вялікай Айчыннай вайны, якія 15 лютага прысутнічалі на мітынгу з нагоды Дня памяці воінаў-інтэрнацыяналістаў, кіраўнік раёна Юрый Дымша ўручыў медалі “70 год Перамогі ў Вялі-кай Айчыннай вайне 1941 — 1945 гг.”.
Усяго, па звестках райваенкамата, у Глускім раёне такая ўзнагарода будзе ўручана больш як 100 чалавекам, гэта ветэраны вайны, былыя вязні фашысцкіх канцлагераў і тыя людзі, што працавалі на прымусовых работах у Нямеччыне падчас вайны.
Плануецца, што гэтыя юбілейныя медалі будуць уручаны ўсім названым да шостага красавіка.
Ірына ГРАМЫКА
Фота аўтара
На здымку: старшыня райвыканкама Юрый Дымша ўручае медаль ветэрану Вялікай Айчыннай вайны Васілю Антонавічу Глазу
