Темы

Пра смецце, градкі і дарогу рэспубліканскага значэння

Пра смецце, градкі і дарогу рэспубліканскага значэння

Дзіўная рэч гэта смецце. Калі паслухаеш людзей — ніхто яго не кідае, усе за сабой прыбіраюць, калі паглядзіш пад ногі — то чаго там толькі няма: ідзеш па вуліцы — акуркі, пустыя пачкі ад цыгарэт, паперкі з-пад марожанага, чыпсаў, звернеш з дарогі — часцей трапляюцца пляшкі з-пад алкаголю, розная пластыкавая тара.

Тыдні два таму невялікі дэсант у складзе начальніка раённай землеўпарадкавальнай службы Вячаслава Асташэвіча і прадстаўніка рэдакцыі збочыў з дарогі і накіраваўся на ўчасткі, што насупраць мікрараёна “сем вятроў”. Пара стаяла такая, што большасць з іх ужо была засеяна або падрыхтавана пад пасадку агародніны. Самі ўчасткі, грэх казаць, у большасці сваёй чыстыя і дагледжаныя, а вось паблізу — тыя самыя славутыя пластыкавыя бутэлькі, прычым у вялікай колькасці, рэшткі старой цалафанавай плёнкі, трапляліся і шкляныя пляшкі, а ў адным месцы мы ўгледзелі папяровыя канверцікі з-пад насення морквы — бачна, што з гэтага года, бо добра захаваліся, не размоклі нават. Пытаемся ў жанчын, што шчыравалі на сваіх градках, маўляў, адкуль смецце. Адказ прадказальны: яны за сабой усё прыбіраюць, а панакідвалі гэта нядобрасумленныя людзі. Праўда, пагадзіліся з тым, што ніхто чужы сюды не прыйшоў, значыць, смецце пакінулі свае, тыя, хто садзіць грады.

— Такія ўчасткі для землекарыстання, — тлумачыць Вячаслаў Асташэвіч, — выдзяляюцца на год, і кожны раз мы размаўляем з гаспадарамі, расказваем пра неабходнасць падтрымліваць чысціню і парадак. Гэта патрэбна рабіць усім і заўсёды, а тут тым больш, бо гэтыя надзелы размешчаны недалёка ад трасы рэспубліканскага значэння. Тлумачым і тое, што на такіх участках нельга садзіць кусты і дрэвы, не рэкамендуем рабіць там парнікі і цяплічкі: зробленыя з падручных матэрыялаў, ды яшчэ і бачныя адусюль, яны ніяк не ўпрыгожваюць пейзаж. Зразумела, што такія патрабаванні значна абмяжоўваюць гаспадарчы манеўр, але парадак ёсць парадак — гэта ж не свой агарод. Дый там трэба гаспадарыць з аглядкай на суседзяў, каб ім не перашкодзіць.

Што да смецця, то, паколькі вінаватых мы не знайшлі, яго прыбраў “Жылкамгас” (адцягнуў ад іншых работ людскія сілы і матэрыяльныя рэсурсы). Што да ўчасткаў на гэтым полі, то яны, па словах Вячаслава Асташэвіча, у наступным годзе будуць аднесены далей на поле, далей ад дарогі, а значыць, і ад дамоў. І размяркуюць іх жадаючым так, каб не было цераспалосіцы.

Т. ЛУГАВАЯ

Фота аўтара

Последние новости

Будь в курсе

Почему установка АПИ — это необходимость?

18 ноября 2026
Читать новость
АПК

Кому в Глуске вручили награды по случаю Дня работников сельского хозяйства и перерабатывающей промышленности агропромышленного комплекса

18 ноября 2026
Читать новость
Будь в курсе

В Глусском РОВД напомнили правила настроек мобильного телефона

18 ноября 2026
Читать новость
Будь в курсе

Есть вопрос по медицине? Пишите в чат-бот

18 ноября 2026
Читать новость
Власть

Лукашенко дал интервью французскому журналу Le Point

17 ноября 2026
Читать новость
Общество

По факту. Где ребенку лучше: в плохой, но родной семье или в хороших условиях неродного дома

17 ноября 2026
Читать новость