Як будзем адзначаць юбілей Глускага раёна

Гэты год для Глускага раёна юбілейны: у ліпені споўніцца 100 год з дня стварэння раёна. З гэтай нагоды распрацаваны план святочных мерапрыемстваў, ён зацверджаны намеснікам старшыні Глускага райвыканкамаАнатолем Ласоцкім.

На працягу года ў раёне, найперш ва ўстановах культуры і адукацыі, будуць праводзіцца тэматычныя мерапрыемствы: выставы, інфармацыйныя гадзіны, круглыя сталы, гадзіны гісторыі, сустрэчы ветэранаў працы са школьнікамі, спартыўныя марафоны, з’явяцца адпаведныя рубрыкі на сайтах раённай бібліятэкі і раённага музея, а наша газета ўжо пачала публікацыю матэрыялаў, прысвечаных юбілею.

Мерапрыемстваў плануецца шмат, частка з іх будзе насіць лакальны характар, іншыя стануць падзеямі раённага маштабу. Да прыкладу, на красавік запланавана закладка алей у гонар 100-годдзя ўтварэння раёна, а ў чэрвені мае адбыцца адкрыты дыялог ганаровых жыхароў Глушчыны і моладзі “Сустрэча пакаленняў”. Кульмінацыяй святочных мерапрыемстваў стане раённая ўрачыстасць, якая пройдзе 17 ліпеня.

А. ВАСІЛЕЎСКАЯ