Да Дня народнага адзінства
Шэраг масавых мерапрыемстваў запланаваны ў Глускім раёне да Дня народнага адзінства. Яны пройдуць як напярэдадні новага дзяржаўнага свята, так і ў сам святочны дзень, 17 верасня.
Вось толькі некаторыя з іх: урачысты мітынг і пасадка алеі каля мемарыяльнага комплексу “Воінская Слава”, ад райкама БРСМ — дыялогавая пляцоўка для моладзі “Сіла ў адзінстве”, ад краязнаўчага музея — інтэрактыўны фотапленэр “Глусчина — такая маленькая родина”, спартсмены адзначаць свята адкрытым турнірам па гандболе памяці Сяргея Зайцава, а прафсаюз — велапрабегам “Мы беларусы — мы адзіныя!”, работнікі культуры для ўсіх ахвотных наладзяць канцэрт “Квітней, родная Беларусь!”. Зразумела, што на святочную дату адгукнуцца мясцовыя бібліятэкі, клубныя ўстановы, установы адукацыі — выставамі, выступленнямі, класнымі і інфармацыйнымі гадзінамі, гутаркамі.
Разнастайныя мерапрыемствы да Дня народнага адзінства запланаваны і ў абласным цэнтры, а ў сталіцы Беларусі сярод іншага на “Мінск-Арэне” адбудзецца рэспубліканскі патрыятычны форум “Гэта НАША гісторыя”.
Дзень народнага адзінства — новае свята ў нашай краіне, яно было ўстаноўлена 7 чэрвеня 2021 года і звязана з уз’яднаннем Заходняй Беларусі з БССР, якое пачалося 17 верасня 1939 года паходам Чырвонай арміі ў Заходнюю Беларусь (тагачасную Польскую Рэспубліку). Гэта дата, 17 верасня, і стала датай новага дзяржаўнага свята ў Беларусі.