Раённая газета атрымала водгук ад чытача на артыкул “Осторожно: лоси на дороге”, размешчаны ў нумары ад 17 красавіка. Гаворка ў матэрыяле ішла пра дарожна-транспартныя здарэнні з удзелам дзікіх жывёл у нашым раёне і меры, якія дапамогуць пазбегнуць такіх ДТЗ.

Адзін з чытачоў нашай газеты, прафесійны вадзіцель, як ён сам сябе назваў, пракаментаваў артыкул так: “Цалкам зразумела, што загараджальныя сеткі на такіх дарогах, як наша траса на Бабруйск, ставіць немэтазгодна. Ды яны там і не трэба. А вось пашырыць прыдарожную паласу на некалькі метраў было б добрым выйсцем. Два-тры метры абапал дарогі без дрэў і кустоў на самых небяспечных участках — і ў вадзіцеля будзе зусім іншы агляд, ён зможа заўважыць звера зараней, да таго, як той выскачыць перад капотам. У спалучэнні з папераджальнымі знакамі, якія рэкамендуюць павысіць увагу і панізіць хуткасць, гэта будзе дзейсным сродкам для папярэджання ДТЗ”.

А. ПЯТРОВА