Расказваем пра цікавыя мясціны Беларусі, і сёння згадаем, дзеля чаго трэба наведаць Бялынічы.

Ільінская гара — легендарнае месца заснавання горада. Калісьці тут знаходзілася царква ў гонар прарока Ільі, быў манастыр, а зараз на гары ўстаноўлены памятны знак.
Мастацкі музей імя Вітольда Бялыніцкага-Бірулі, дзе можна пазнаёміцца з гісторыяй Бялыніч і творчасцю сусветна вядомага пейзажыста.
Царква ў гонар цудатворнай Бялыніцкай іконы Божай Маці, адной з хрысціянскіх святынь Беларусі. Зараз у царкве захоўваецца копія іконы: арыгінал быў страчаны падчас Вялікай Айчыннай вайны.
Гарадскі парк “Ліпавы гай” — помнік садова-паркавага мастацтва 18 стагоддзя. Абавязкова наведайце размешчаную тут Алею герояў Вялікай Айчыннай вайны.
Руіны царквы Святых Пятра і Паўла 19-га стагоддзя ў пасёлку Вішоў.
Каля вёскі Заазер’е знаходзіцца гідралагічны заказнік (ланцужок азёр ледніковага паходжання), тут жа вы знойдзеце старадаўняе капішча з каменнымі крыжамі.