З надыходам вясны ў Глускім раёне актывізаваліся палявыя работы. У прыватнасці, вывезеную зімой на палі арганіку пачалі ўносіць у глебу, гэту работу выконваюць усе гаспадаркі. На пачатак гэтага тыдня агульнымі намаганнямі была ўнесена амаль 51 тыс. т  угнаення (пры плане 207 тыс. т).Разам з гэтым пад яравую сяўбу ўносяцца мінера-льныя ўдабрэнні, у прыватнасці хлорысты калій. Вядуць гаспадаркі і доглядавыя работы. Як расказалі рэдакцыі ва ўпраўленні па сельскай гаспадарцы, азімых зерневых у раёне пасеяна 6109 га, перазімавалі яны няблага, і цяпер выкон-ваецца першая іх падкормка вадкімі ўдабрэннямі (КАС), два апырсквальнікі “Раса” працуюць у РАПТЗ і “Глускай Зары”: падкорм-лена 350 га азімых.

Там, дзе гэта магчыма, аграрыі пачалі веснавое ўзворванне глебы, пры плане 7267 га ўзарана 430. Яравых зерневых і зернебабовых культур на зерне сяголета плануецца пасеяць 4220 га, аднак тэмпературны фон яшчэ не дазваляе гэта рабіць, а вось бяспокрыўную сяўбу шматгадовых траў ужо можна весці, засеяная такім чынам плошча складае 100 га.

Т. ЛУГАВАЯ