Авяр’ян Сафонавіч Дзеружынскі нарадзіўся ў 1919 годзе на Гомельшчыне. Найбольш вядомы як дзіцячы паэт.

Васілёк

Стаіць,

Выглядаючы з жыта,

Як зорачка-знічка

Здалёк,

Што ўпала

Іскрынкай

З блакіту,

Палеткаў краса –

Васілёк.

Калі расцвітае

Цуд гэты,

На полі

Яшчэ гарачэй,

Буяе,

Квітнеецца лета

I фарбы прыроды –

Ярчэй.

Стаіць,

Паглядае з пагорка,

Як зорка

Аднекуль здалёк,

Часцінка

Любімай старонкі,

Часцінка зямлі –

Васілёк.

І некалькі фактаў пра васількі, або як іх яшчэ інакш называюць, валошкі.

У мінулым годзе васілёк быў абраны ў нашай краіне раслінай года. Васількі бываюць не толькі сінімі, але і ружовымі, фіялетавымі і нават белымі. А яшчэ насенне валошак можа самастойна рухацца. Семечка мае чубок з вострымі варсінкамі, якія ў сырое надвор’е скручваюцца, а ў сухое — раскрываюцца. Менавіта такім чынам, накшталт гусеніц, насенне і перамяшчаецца па зямлі.