Калі вы індывідуальны прадпрымальнік і толькі пачынаеце сваю справу, вас абавязкова зацікавіць мерапрыемства, якое пройдзе 5 і 6 кастрычніка ў Магілёве. Гаворка ідзе пра 2-гі Магілёўскі ІнвестУікэнд, яго ўдзельнікаў чакае актыўная работа над сваімі праектамі, пошук дзелавых партнёраў і майстар-класы ад прадпрымальнікаў, хто ўжо дабіўся поспеху ў развіцці сваёй справы. Спачатку пачынаючыя прадпрымальнікі выступяць са сваімі бізнес-ідэямі і праектамі, а потым з дапамогай экспертаў дапрацуюць іх і напрыканцы другога дня мерапрыемства пазнаёмяць патэнцыяльных інвестараў з ужо дапрацаванымі і ўдасканаленымі прэзентацыямі. Адметна, што ўдзел у ІнвестУікэндзе для пачынаючых прадпрымальнікаў бясплатны. Для ўдзелу ў ім усяго і патрэбна, што зарэгістравацца на сайце http:// investweekend.by, а неабходную дадатковую інфармацыю можна атрымаць па тэлефонах: 8-0222-23-09-21, 8-017-292-09-21 або +37529-605-70-22.