Капрамонт на вуліцы Інтэрнацыянальнай у Глуску

На капітальны рамонт гэтага дома, згодна з пашпартам аб’екта, адведзена два з паловай месяцы, з 1 красавіка па 15 чэрвеня, аднак будаўнікі думаюць завяршыць яго некалькі раней. Работы па вуліцы Інтэрнацыянальнай, 28, выконвае Глуская ПМК-249, гэта арганізацыя выступае падрадчыкам, заказчык — Глускі райвыканкам. Сярод асноўных відаў работ, пералічвае майстар вытворчых работ Дзмітрый Падбярозны, — замена даху (шыфернага на металапрофіль) з уладкаваннем вадасцёкавай сістэмы, агароджы і заменай вентыляцыйных шахтаў, замена дзвярэй і вокан
у месцах агульнага карыстання, рамонт казырка над уваходам (у доме адзін пад’езд), уладкаванне новай адмосткі, рамонт фасада будынка — яго атынкавалі (тынкоўка дэкаратыўная) і ўжо фарбуюць, а таксама добраўпарадкаванне дваровай тэрыторыі — да пад’езда пакладзена дарожка з пліткі. Усе работы на гэтым доме выкананы прыкладна на 90 працэнтаў, адзначае Дзмітрый Падбярозны, наступны аб’ект — суседні дом, № 30, па гэтай жа вуліцы, так што далёка пераязджаць будаўнікам і тэхніцы не давядзецца.

Т. ЛУКАШЭВІЧ
Фота аўтара