З паўтары сотні руж высадзілі на плошчы Глуска

Чырвоныя, барвовыя, цёмна-малінавыя, ружовыя, бела-чырвоныя — з паўтары сотні руж высадзілі на пачатку тыдня работнікі Глускага “Жылкамгаса” на плошчы раённага цэнтра.
Пасадачны матэрыял закуплены ў Бабруйскім раёне, перавагу аддалі такім сартам, як “Блэк Джэк”, “Рубі Стар”, “Таманга”, “Тырамісу” і “Фаер Флэш”. Маладзенькія кусцікі ўжо з бутонамі, так што хутка будзем назіраць прыгажосць. Назіраць і берагчы, рукамі не чапаць, не рваць, не выкапваць. Няхай каралевы кветак прыжываюцца, цвітуць і радуюць вока.

Т. ЛУГАВАЯ
Фота аўтара