У Глускім раёне на ўчарашнюю раніцу нарыхтавана 2890 тон кармавых адзінак, гэта 7,5 працэнта ад запланаванага; на адну ўмоўную галаву маецца 2,2 цэнтнера кармавых адзінак. Шматгадовыя травы скошаны на трох тысячах гектараў (амаль палова ад плану) і ўбраны на 2710 гектарах. Пры гэтым сена нарыхтавана 288 тон (6 працэнтаў ад задання), сенажу 9828 тон (16 працэнтаў). 

Працягваюцца доглядавыя работы, у тым ліку на кукурузных палетках. Хімпраполка праведзена на большай частцы плошчаў кукурузы (3337 гектараў з 5750), падсілкавана кукуруза на 514 гектарах.

Яравыя зерневыя падсілкаваны на 2500 гектарах (79 працэнтаў), шматгадовыя травы пасля першага ўкосу — на 344 гектарах.

Інфармацыя падрыхтавана па даных упраўлення па сельскай гаспадарцы і харчаванні райвыканкама на 7 чэрвеня