Палявыя работы ў Глускім раёне
Па меры таго як вясна ўбіраецца ў сілу, актывізуюцца палявыя работы. Так, у Глускім раёне на палі сельгасарганізацыямі вывезена больш за 183 тысячы тон арганічных угнаенняў, гэта 106 працэнтаў да патрэбнага, 20 тысяч 320 тон ужо ўнесена ў глебу, найбольш актыўна гэта робяць у “Глускай Зары” і райаграпрамтэхзабеспячэнні.
Зараз мясцовыя гаспадаркі працуюць з калійнымі ўдабрэннямі: падкормліваюць імі сенакосы, пашы і шматгадовыя травы, агульная плошча зробленага перавышае 2500 гектараў. На плошчы 590 гектараў унесены калій пад яравую сяўбу. Уносяцца таксама азотныя ўдабрэнні: імі падкормлена 140 гектараў азімага рапсу і 70 гектараў азімых зерневых на зерне.
Дзе гэта магчыма, мясцовыя аграрыі падсяваюць шматгадовыя травы на пашы: патрэбна падсеяць 1600 гектараў, падсеяна 340.
Гаспадаркі рыхтуюцца да сяўбы ранніх яравых зерневых і зернебабовых культур. Узарана 54 гектары глебы. Пратручана 15 тон насення.
Інфармацыя падрыхтавана па даных упраўлення па сельскай гаспадарцы і харчаванні на 16 сакавіка
Т. ЛУГАВАЯ
